All publications in this section in chronological order.

Aik Baat Kahoon ?
Aik Baat Kahoon Agar Suntey Ho ?
Tum Mujh Ko Achey Lagtey Ho

Kuch Chanchal Se , Kuch Chup Chup Se
Kuch Pagal Pagal Lagtey Ho

Hain Chahney Waaley Aur Buhut
Par Tum Mein Hai Aik Baat Buhat.......
Tum Apney Apney Lagtey Ho

Aik Baat Kahoon Agar Suntey Ho ?
Tum Mujh ko achey lagtey ho

Yeh Baat Baat Pe Kho Jaana
Kuch Kehtey Kehtey Ruk Jaana

Yeh Kiss Uljhan Mein Rehtey Ho....?
Kiya Baat Hai Hum Se Keh Daalo

Aik Baat Kahoon Agar Suntey Ho ?
Tum Mujh Ko Achey Lagtey Ho

Ham aksar ye samajhte hain
Jise ham piyar karte hain
Usey ham bhool jate hain
Magar aisa nahi hota
Muhabbat daimi sach hai
Muhabbat Thehar Jati Hai...!
Hamari baat k andar
Muhabbat beth jati hai
Hamari zaat k andar
Magar ye kam nahi hoti!
Kisi bhi dukh ki soorat mein
Kabhi koi zaroorat mein
Kabhi anjan se gham mein
Kabhi lehje ki thandak mein
Udasi ki zaroorat mein
Kabhi barish ki soorat mein
Hamari aankh k andar
Kabhi aab-e-rawa"n ban kar
Kabhi qatre ki soorat mein
Bazahir aisa lagta hai
Usey ham bhool bethe hain
Magar aisa nahi hota
Magar aisa nahi hota
Muhabbat kam nahi hoti
Muhabbat Thehar Jati Hai...!!!